Një nga momentet më të diskutuara në “Ferma VIP” ka qenë padyshim ofendimi i bërë ndaj moderatores Arbana Osmani, situatë që ka shkaktuar reagime të shumta në publik dhe në rrjet.
Ndërsa shikuesit panë vetëm çfarë ndodhi gjatë transmetimit live, Ermal Mamaqi ka zbuluar detaje nga prapaskenat, duke treguar se çfarë ka ndodhur menjëherë pas përfundimit të spektaklit.
Ai rrëfeu se sapo kamerat u fikën, është takuar me Arbanën në dhomën e grimit, ku e ka përqafuar dhe e ka komplimentuar për mënyrën e qetë dhe profesionale me të cilën menaxhoi situatën e tensionuar.
“Kur dolëm atë mbrëmje nga skena, e pashë Arbanën te dhoma e grimit, e përqafova dhe i thashë: ‘Bravo, tregove nivel tjetër’,” – ka treguar Mamaqi.
Sipas tij, në momente të tilla kur dikush sulmohet publikisht, del në pah karakteri i vërtetë dhe mënyra se si përballohen situatat e vështira.
Ndërkohë, për reagimin e saj, Arbana Osmani ka qenë tepër e përmbajtur, duke u shprehur shkurt: “Nuk mërzitem” dhe duke ia lënë opinionit të publikut gjykimin për ngjarjen.
Ky rrëfim i Ermalit hedh më shumë dritë mbi prapaskenat e spektaklit, duke treguar edhe një herë profesionalizmin e moderatores në situata të nxehta televizive.
