Soni Malaj ka ndarë një rrëfim të sinqertë dhe personal gjatë qëndrimit të saj në “Ferma VIP”, duke folur për marrëdhënien me ish-bashkëshortin.
Në një bisedë me Malbora Gurra, këngëtarja ka kujtuar periudhën kur ishin bashkë, duke theksuar se marrëdhënia e tyre ka qenë intensive, por edhe e fortë.
Ajo tregoi se, megjithëse debatet mes tyre ishin të shpeshta, lidhja funksiononte: “Mbyteshim duke u zënë por shkonim shumë!”, u shpreh ajo me sinqeritet.
Soni shtoi gjithashtu se sot ruajnë një raport shumë të mirë, kryesisht për hir të vajzës së tyre, duke dëshmuar respekt dhe mirëkuptim reciprok. Madje, siç tregoi ajo, shpeshherë të tjerët nuk e kanë kuptuar që ata janë të ndarë, për shkak të raportit të afërt që vazhdojnë të kenë.
Ky rrëfim nxori në pah një anë më personale dhe emocionale të artistes, duke treguar pjekuri dhe një qasje pozitive ndaj marrëdhënieve pas ndarjes.
