Starti i edicionit të tretë të “Ferma VIP” ka sjellë menjëherë reagime të shumta në rrjet, përfshirë edhe komente ironike nga figura të njohura të ekranit.
Ish-banori i “Big Brother VIP Albania”, G-Bani, ka tërhequr vëmendje me një postim në Instagram, ku ka ironizuar përzgjedhjen e konkurrentëve në fermë.
Duke ndarë një foto nga transmetimi, ai ka shkruar me ironi: “Fermën po e shikoj. Vipat ku janë?!”, duke ngritur pikëpyetje mbi statusin e personazheve pjesëmarrës.
G Ban via Instagram Story
Reagimi i tij ka ndezur diskutime mes ndjekësve, të cilët kanë ndarë mendime të ndryshme nëse lista e konkurrentëve përmbush apo jo pritshmëritë për një kast “VIP”.
Ndërkohë, “Ferma VIP” ka nisur me 24 personazhe nga fusha të ndryshme, duke synuar të sjellë një miks dinamik mes personazheve të njohur dhe sfidave të jetesës në fermë.
