Ish-banori i “Ferma VIP”, Akili, ka bërë një deklaratë që ka trazuar rrjetin, duke ngritur pikëpyetje mbi personat që menaxhojnë llogaritë sociale të Mimoza Ahmeti gjatë kohës që ajo ndodhet brenda reality show-t.
Përmes disa postimeve në Instagram, Akili ka reaguar ndaj ndjekësve që e pyesnin vazhdimisht pse Moza ose profili i saj zyrtar nuk ripublikon asnjë nga mesazhet apo postimet mbështetëse që ai bën për të.
Në reagimin e tij, ai pretendon se llogaria e shkrimtares nuk menaxhohet nga familjarët e saj, por nga persona të tjerë, të cilët sipas tij kanë ndikuar edhe në largimin e tij nga programi.
“Për ju që më pyesni pse Moza s’i bën repost në story ato çfarë them unë për të!!! Kam pyetur dhe Instagrami i Mozës nuk menaxhohet nga familjarët e saj!!! Por nga ‘marioneta’ që luftuan shumë që unë të dal jashtë…” – ka shkruar ai i revoltuar në InstaStory.
Më tej, ish-banori ka lënë të kuptohet se kjo situatë e ka bërë të distancohet plotësisht nga formati, ndërsa ka shprehur edhe keqardhje për faktin që Moza vazhdon ende rrugëtimin në fermë.
“Besoj tani bën sens pse unë s’merrem më me atë format dhe pse më vjen keq pse Moza ka ngecur aty,” – ka përfunduar Akili.
Deklarata e tij ka hapur menjëherë debat në rrjetet sociale, ku ndjekësit po komentojnë mbi mënyrën se si menaxhohen profilet e banorëve gjatë izolimit dhe ndikimin që mund të kenë personat jashtë lojës në imazhin publik të tyre.
