Mbrëmja e së premtes në “Ferma VIP 3” u shndërrua në një skenë të mbushur me tensione dhe emocione të forta, ku në qendër ishte Fabjola Elezaj.
Pas një surprize që mori formën e një mesazhi të prerë nga vëllai i saj, duke përcjellë qartë qëndrimin e familjes, Fabjola u përball me një vendim drastik që ndikoi drejtpërdrejt në rrugëtimin e saj në lojë dhe në raportin me Adionin.
Pamjet pas spektaklit tregojnë momentin kur ajo hyn në dhomën e rrëfimit dhe i komunikon atij, ballë për ballë, vendimin për t’i dhënë fund afrimitetit të tyre. Ky hap erdhi si një mënyrë për të respektuar kërkesat e familjarëve, të cilët e ndjekin nga jashtë.
Fabjola shpjegoi se presioni emocional dhe shqetësimi për shëndetin e familjes e shtynë drejt kësaj zgjedhjeje të vështirë, duke shprehur edhe ndjenjën e fajit:
“Ndodhi ajo që kisha frikë që në javën e parë. Duhet të distancohemi sepse kam familjen jashtë. Më vjen keq që kjo situatë arriti deri këtu. Edhe nëse ata më falin, unë nuk ia fal vetes. Familjarët e mi nuk janë mirë me shëndet pas kësaj që ndodhi. Më kërkuan të vazhdoj vetëm, pa qenë bashkë.”
Pas këtij diskutimi emocional, të dy ranë dakord të ndërpresin marrëdhënien dhe të vazhdojnë eksperiencën në “Ferma VIP 3” të ndarë, duke mbyllur kështu një kapitull të rëndësishëm pas ndërhyrjes së drejtpërdrejtë të familjes.
