Gjatë një interviste në Ferma VIP Club, nëna e Indrit ka ndarë detaje të rëndësishme mbi marrëdhënien që familja e tyre vazhdon të ketë me ish-partneren e tij, duke habitur publikun me një qasje të rrallë pas ndarjes.
Ajo theksoi se, edhe pse lidhja sentimentale mes tyre është mbyllur përfundimisht, respekti reciprok vazhdon të mbetet i fortë dhe i pandryshuar nga të dyja palët.
Në një deklaratë mjaft emocionale, ajo e cilësoi ish-partneren si një person me rëndësi të veçantë, duke nënvizuar se për shkak të lidhjes së tyre familjare, si nëna e nipit të saj, ajo do të jetë gjithmonë një figurë e respektuar dhe e mbrojtur.
Madje, për të treguar këtë raport të veçantë, ajo zbuloi se mes tyre nuk ka aspak distancë, por përkundrazi ekziston një marrëdhënie e afërt, me takime të shpeshta, dreka dhe darka familjare, ku vazhdojnë të qëndrojnë bashkë si një familje e zgjeruar.
“I ka mbyllë komplet. Mbetet respekti reciprok nga ana e saj, ana jonë dhe ana e Indrit. Ajo do të mbetet për mua person shumë i rëndësishëm në jetë, sepse është nëna e nipit tim. Për mua ajo është një person që nuk do të preket kurrë, dhe Indri ka respekt absolut. Unë mbaj kontakt me të. Shkoj për drekë dhe darkë me të, rri me të dhe familjarët e saj“, tha ajo.
Deklarata e saj “nuk do të preket kurrë” është interpretuar si një mesazh i fortë për ruajtjen e respektit dhe harmonisë, edhe pas përfundimit të një historie dashurie.
