Pas përfundimit të eksperiencës në “Big Brother VIP Shqipëria”, Brikena Selmani duket se po jeton një periudhë të bukur si në jetën personale, ashtu edhe në atë profesionale.
Në një intervistë të fundit, ish-banorja foli për herë të parë më gjerë mbi marrëdhënien e saj me Mateon, romancë që nisi brenda shtëpisë dhe që tashmë po vazhdon edhe jashtë kamerave.
Brikena tregoi se sa herë ndodhet në Tiranë, pjesën më të madhe të kohës e kalon pranë partnerit të saj, duke lënë të kuptohet se lidhja mes tyre po bëhet gjithnjë e më serioze.
“Ndihem shumë mirë me Mateon dhe shpresoj më të mirën. Nuk do doja ta mendoja fare ndarjen me të,” – u shpreh ajo, duke treguar se është tepër e përfshirë emocionalisht në këtë histori dashurie.
Por jo vetëm jeta private po merr vëmendje. Brikena zbuloi gjithashtu se pas daljes nga “Big Brother”, ka marrë disa oferta nga televizioni dhe shumë shpejt mund ta shohim në një projekt të ri në ekran.
Sipas burimeve të Prive by Liberta Spahiu, një nga angazhimet më të përfolura është përfshirja e saj si pjesë e jurisë në sezonin e ri të “She’s on Top”, spektakël që pritet të vijë me ndryshime të mëdha dhe me Sara Gjordenin në moderim.
Edhe pse Brikena preferoi të mos zbulojë shumë detaje, ajo la të kuptohet se rikthimi i saj në televizion është vetëm çështje kohe.
