Debatet e fundit në “Ferma VIP” kanë shkaktuar reagime të shumta në rrjet, sidomos pas aludimeve të bëra gjatë spektaklit “Prime” për raportin mes Mimoza Ahmetit dhe ish-konkurrentit Adion Puka.
Gjatë emisionit, moderatorja Arbana Osmani dhe opinionistët diskutuan mundësinë që poetja e njohur të kishte një pëlqim më shumë sesa miqësor për Adionin, gjë që nxiti menjëherë komente të shumta nga publiku.
Mes reagimeve më të forta ishte ai i ish-fituesit të “Big Brother”, Jetmir Salaj, i cili kritikoi hapur mënyrën se si po trajtohej kjo situatë në studio dhe në media.
Përmes disa postimeve në rrjetet sociale, ai u shpreh i revoltuar ndaj komenteve dhe interpretimeve që po bëhen për Mimoza Ahmetin, duke i cilësuar ato si paragjykuese dhe të pavenda.
“Një turmë injorantësh që trillojnë dhe japin definicione për jetën e një gruaje 63-vjeçare,” – shkroi ai, duke iu referuar diskutimeve të zhvilluara në Prime.
Jetmir Salaj via Instagram Story
Në një tjetër postim, Jetmiri vlerësoi figurën dhe personalitetin e poetes, duke theksuar se liria dhe mënyra autentike e të jetuarit të saj vazhdojnë të sfidojnë mentalitete të ngurta.
Jetmir Salaj via Instagram Story
Reagimi i tij është shpërndarë gjerësisht në rrjet, ndërsa ndjekësit kanë ndarë mendime të ndryshme mbi debatin që ka përfshirë së fundmi Mimoza Ahmetin.
