Duket se rivaliteti mes Elijona Binakajt dhe Benita Zenës nuk ka përfunduar as pas largimit të tyre nga shtëpia e “Big Brother VIP Kosova”. Një koment i bërë nga Elijona gjatë edicionit të ri të spektaklit ka mjaftuar për të rikthyer vëmendjen te raporti jo fort i mirë mes dy ish-konkurrenteve.
Elijona u shfaq për pak kohë në shtëpinë e BBVK-së, ku qëndroi me tre banorët e parë që iu bashkuan këtij sezoni. Gjatë një bisede me Antonetën, ajo bëri një deklaratë që u interpretua si një thumbim ndaj Benitës.
Pa ia përmendur drejtpërdrejt emrin, Elijona iu referua famës që mund të fitohet edhe përmes pamjes së dhëmbëve, duke deklaruar:
“Me dhëmbë njerëzit kanë bo edhe famë”.
Komenti duket se nuk ka kaluar pa u vënë re nga Benita, e cila ka zgjedhur të reagojë përmes një postimi në Instagram.
Ish-banorja publikoi një mesazh të shkurtër, por që u interpretua si një kundërpërgjigje ndaj deklaratës së Elijonës.
“Sa ka ka ta dhez”, shkroi Benita në postimin e saj.
Benita Zena via Instagram Story
Megjithatë, ajo nuk e përmendi askund emrin e Elijonës, ndaj nuk është konfirmuar nëse reagimi i saj lidhet drejtpërdrejt me këtë deklaratë.
Kujtojmë se marrëdhënia mes Elijonës dhe Benitës ka qenë e tensionuar edhe gjatë kohës kur të dyja ishin pjesë e garës, ndërsa duket se komentet e fundit kanë rikthyer përplasjet mes tyre edhe jashtë shtëpisë.
