Një moment i rëndësishëm për familjen Zeqiri është mbajtur larg syrit të publikut. Besa Tafari, motra e këngëtares së njohur Dafina Zeqiri, ka kurorëzuar dashurinë e saj me Carl Johane në një ceremoni private, detajet e së cilës u zbuluan vetëm përmes postimeve në rrjetet sociale.
Pamjet e publikuara nga vetë Besa tregojnë momente nga dasma elegante dhe intime, ku çifti festoi pranë familjarëve dhe miqve të afërt, larg vëmendjes së mediave.
Megjithatë, ajo që ka tërhequr më shumë vëmendjen e ndjekësve nuk ka qenë ceremonia, por mungesa e Dafina Zeqirit në fotografitë dhe videot e publikuara nga dita e veçantë.
Kjo ka nxitur menjëherë spekulime dhe komente në rrjet, me shumë ndjekës që pyesin nëse këngëtarja ka qenë e pranishme në dasmën e motrës së saj apo jo.
Deri tani, Dafina Zeqiri nuk ka bërë asnjë reagim publik lidhur me martesën apo me mungesën e saj në pamjet e shpërndara online, duke shtuar edhe më shumë kureshtjen e fansave.
Besa Tafari dhe Carl Johane bënë publike fejesën e tyre në maj të vitit 2024, ndërsa pas afro dy vitesh së bashku kanë vendosur të hedhin hapin e madh drejt martesës.
Ndërkohë, partneri i Besës vazhdon të mbajë një profil të ulët publik, duke zgjedhur të qëndrojë larg vëmendjes mediatike edhe pas kurorëzimit të dashurisë së tyre.
