Monika Kryemadhi ka folur hapur për ndarjen nga Ilir Meta, duke treguar për herë të parë arsyet që çuan në fundin e martesës së tyre shumëvjeçare.
Në një intervistë televizive, ajo ka theksuar se faktor kryesor ka qenë politika, duke pranuar se nuk e kishte menduar kurrë që angazhimi politik do të ndikonte deri në këtë pikë në jetën e saj personale.
Kryemadhi ka treguar se brenda strukturave politike ka pasur ndarje dhe mungesë mbështetjeje, çka ka ndikuar edhe në raportin e saj me ish-bashkëshortin. Ajo ka theksuar se shpesh është ndjerë e vetmuar në vendimmarrje dhe e përballur me një realitet të vështirë brenda partisë.
Megjithatë, ajo e ka përshkruar divorcin si një nga momentet më të vështira të jetës, por edhe si një periudhë që e ka bërë më të fortë, duke zgjedhur të mos luajë rolin e viktimës dhe të ecë përpara.
