Darka e finalistëve të Big Brother VIP Albania 5 nuk ka kaluar aspak në qetësi, por është shoqëruar me përplasje dhe tensione të forta mes banorëve.
Atmosfera u ndez veçanërisht mes Rogertit dhe Mirit, kur i pari nisi ta provokonte këtë të fundit në lidhje me raportin e tij me Selinën. Gjatë bisedës, Rogerti hodhi deklarata të drejtpërdrejta duke lënë të kuptohet se Miri ka ndjenja për të, gjë që u mohua menjëherë nga ai.
Pavarësisht mohimit, Rogerti vazhdoi me insistim, duke e shtyrë situatën drejt tensionit. I bezdisur nga kjo bisedë dhe duke mos dashur ta vazhdonte më tej, Miri vendosi të largohej nga tavolina.
Kur u pyet për arsyen e largimit, ai reagoi me ironi, duke lënë të kuptohet se nuk dëshironte të përfshihej më në këtë debat. Nga ana tjetër, Rogerti u shfaq i paprekur nga vendimi i tij, duke deklaruar se nuk e shqetëson të qëndrojë vetëm dhe se një reagim i tillë nuk është strategji fituese.
Debati u mbyll me një koment thumbues nga Miri, duke i lënë hapur rrugën Rogertit në mënyrë ironike. Ky moment ka ndezur diskutime të shumta në rrjet, ku publiku po analizon nëse kjo ishte një strategji për të destabilizuar kundërshtarët apo një reagim spontan ndaj provokimeve.
