Sëmundja e njohur historikisht si “plaga e bardhë” apo tuberkulozi (TB) po rikthehet si një kërcënim shëndetësor në Shtetet e Bashkuara, duke ndalur dekada rënie pas viteve 2020. Sipas raporteve të fundit, rastet e TB vazhdojnë të rriten që nga viti 2020, me mbi 10 000 raste të regjistruara vetëm në vitin 2025, përfshirë rreth 967 në Nju Jork. Këto shifra tregojnë se një sëmundje e vjetër po sfidon sistemet moderne të shëndetit publik.
Tuberkulozi shkaktohet nga bakteret Mycobacterium tuberculosis dhe zakonisht prek mushkëritë, por mund të ndikojë edhe organe të tjera. Ka dy forma kryesore:
TB aktive, që është ngjitëse dhe shkakton simptoma të dukshme, dhe
TB latent, ku dikush bart bakterin pa simptoma, por që mund të bëhet aktive më vonë.
Trajtimi për TB kërkon një kombinim antibioticësh që zgjat 6–9 muaj, gjë që e bën të vështirë për disa pacientë për ta përfunduar planin e medikamenteve. Përfundimi i trajtimit është i rëndësishëm, sepse nëse ai ndërpritet herët, bakteret mund të zhvillojnë rezistencë ndaj antibiotikëve, duke e bërë sëmundjen shumë më të vështirë për tu kuruar.
Ekspertët shëndetësorë paralajmërojnë se TB është një nga sëmundjet infektive më vdekjeprurëse në botë duke shkaktuar rreth 1.6 milionë vdekje çdo vit globalisht, më shumë se HIV/AIDS dhe malaria së bashku dhe se mënyra më e mirë për ta ndaluar është zbulimi i hershëm dhe trajtimi efikas i rasteve latent dhe aktiv.
/New York Post
