Pas triumfit në Big Brother VIP Albania, Selin Bollati është rikthyer fuqishëm në qendër të vëmendjes, por këtë herë jo për fitoren, por për një valë aludimesh që po qarkullojnë në rrjet.
Publiku kujton ende premtimin e saj brenda shtëpisë, ku deklaroi se një pjesë e konsiderueshme e çmimit të madh do të shkonte për bamirësi, ndërsa pjesa tjetër për të ndihmuar në ribashkimin e familjes.
Megjithatë, disa pamje virale të publikuara së fundmi kanë ngritur pikëpyetje. Në to, Selin shihet duke zbritur nga një automjet luksoz, konkretisht një Range Rover, çka ka nxitur reagime dhe dyshime në publik mbi mënyrën se si janë përdorur fondet e fituara.
@mr.besfortkryeziu via TikTok
Këto pamje kanë mjaftuar për të ndezur diskutime të shumta në rrjete sociale, ku disa përdorues sugjerojnë se premtimet altruiste mund të jenë lënë në plan të dytë.
Megjithatë, duhet theksuar se deri tani nuk ka asnjë konfirmim zyrtar mbi pronësinë e automjetit apo lidhjen e tij me paratë e fituara, duke i lënë këto pretendime në nivelin e spekulimeve të pakonfirmuara.
