Pas eliminimit të DJ Gimbos nga “Big Brother VIP Albania 5”, vëmendja është përqendruar tek gjendja emocionale e Selin dhe reagimet që kanë ardhur nga jashtë shtëpisë.
Në mesin e komenteve dhe diskutimeve të shumta, ka reaguar edhe Onno, i cili ka zgjedhur t’i dalë në krah banores. Përmes një mesazhi, ai ka lënë të kuptohet se Selin është më e fortë se sa duket dhe se nuk do të dorëzohet lehtë përballë situatës së krijuar pas largimit të Gimbos.
Deklarata e tij është interpretuar si një mbështetje e hapur, sidomos në një moment kur Selin po kalon një periudhë të ndjeshme, e ngarkuar emocionalisht.
Dj Onno via Instagram Story
Kjo ndërhyrje ka nxitur reagime të shumta në rrjet, ku ndjekësit janë ndarë në mendime: disa e përgëzojnë për mbështetjen, ndërsa të tjerë vazhdojnë të komentojnë dinamikat mes Selin dhe Gimbos, që mbeten ndër më të përfolurat e këtij edicioni.
