Nuk kanë kaluar as 24 orë nga nisja zyrtare e Big Brother VIP Kosova 5, por tensionet në shtëpi kanë filluar që tani! Një zarf i zi ka mbërritur në shtëpinë më të famshme, duke sjellë nominimet e para dhe një vendim që mund të ndikojë në vazhdimësinë e lojës.
Gjatë Prime-it të parë, Vëllai i Madh u dha një mision të veçantë tre banorëve që kishin hyrë të parët në shtëpi: Antoneta Koçi, Arlinda Morina dhe Nichi.
Secili prej tyre duhej të përzgjidhte një konkurrent për ta dërguar drejtpërdrejt në televotim, ku publiku do të vendosë fatin e tyre deri të hënën.
Zgjedhjet e tre banorëve ishin këto:
Arlinda Morina vendosi të nominonte Dionin.
Antoneta Koçi zgjodhi Anjezën.
Nichi dërgoi në televotim Zoja Nushin.
Por ajo që e bëri edhe më të fortë këtë vendim ishte penaliteti i paralajmëruar nga Vëllai i Madh.
Sipas rregullit të ri, banori që do të marrë numrin më të ulët të votave nga publiku nuk do të përballet thjesht me një nominim të zakonshëm. Ai do të ketë një ndëshkim që mund ta shoqërojë gjatë gjithë eksperiencës në shtëpi: do të jetë automatikisht pjesë e çdo televotimi të ardhshëm.
Kjo do të thotë se njëri prej tre konkurrentëve, Dioni, Anjeza ose Zoja, rrezikon të ketë një disavantazh të madh në lojë, në varësi të rezultatit që do të shpallet të hënën.
Vendimi ka sjellë një situatë të papritur në BBVK5, duke e bërë garën më të tensionuar që në ditët e para.
Tashmë, vëmendja është te votat e publikut. Kush do të marrë më pak mbështetje dhe do të detyrohet të nominohet në çdo televotim deri në fund të aventurës? Përgjigjja do të zbulohet të hënën!
