Ish-banori i Big Brother VIP Albania, DJ Gimbo, ka rrëfyer detaje nga takimi i tij me familjen e Selin, duke zbuluar edhe reagimin e tyre ndaj raportit mes tyre.
Gjatë një interviste, ai tregoi se familjarët e Selin e kanë pritur mirë, por nuk kanë hezituar t’i japin edhe këshilla të drejtpërdrejta. Sipas tij, ata i kanë thënë:
“Shikoje me kujdes situatën dhe mos bëj gabime”, duke lënë të kuptohet se janë të vëmendshëm ndaj mënyrës si po zhvillohet raporti i tyre.
Gimbo shtoi gjithashtu se biseda ka qenë e hapur dhe pa tension, duke theksuar:
“Kanë qenë shumë korrektë me mua”, dhe se nuk ka pasur kundërshtime të forta ndaj tij.
Ai u ndal edhe te këshillat që ka marrë, duke treguar se familjarët e Selin i kanë kërkuar që të tregojë kujdes dhe respekt në raport me të, duke e parë gjithçka në një mënyrë më serioze.
