Prej një periudhe të gjatë, Blerina, motra e artistit të njohur Gjesti, ka zgjedhur të qëndrojë larg vëmendjes publike dhe zhurmës së mediave sociale.
Në përpjekje për një jetë më të qetë dhe private, ajo ka kufizuar komunikimin me ndjekësit, duke përdorur kryesisht vetëm Snapchat për të ndarë momente të rralla nga përditshmëria e saj.
Megjithatë, pikërisht nga kjo platformë erdhi edhe lajmi i bukur: Blerina është fejuar!
Gjatë kësaj kohe larg syrit të publikut, ajo ka publikuar herë pas here copëza momentesh me partnerin e saj, i cili duket se ka sjellë sërish lumturinë dhe buzëqeshjen në jetën e saj.
Konfirmimi i fejesës nuk erdhi përmes një deklarate të drejtpërdrejtë, por falë vëmendjes së fansave të Gjestit, të cilët i dërguan një buqetë me lule dhe një mesazh urimi. Blerina e ndau këtë surprizë në Snapchat, duke e bërë lajmin publik.
Edhe pse tashmë shfaq hapur unazën e fejesës, ajo vazhdon të ruajë një profil diskret kur bëhet fjalë për identitetin e partnerit.
Ndërkohë, ndërsa familja feston këtë moment të gëzueshëm, edhe karriera e Gjestit duket se po hyn në një fazë të re, me një rikthim të mundshëm në muzikë, duke e bërë këtë periudhë edhe më të veçantë për ta.
