Këngëtarja shqiptare Soni Malaj ka marrë vendimin për të anuluar koncertin e planifikuar më 24 tetor në Bolonjë të Italisë, duke njoftuar fansat përmes një postimi në Instagram.
Artistja ka bërë të ditur se nuk do të jetë e pranishme në koncert, duke iu referuar ngjarjeve të fundit si arsye për këtë vendim.
“Për shkak të ngjarjeve të fundit, me keqardhje ju njoftoj që nuk do të jem e pranishme në koncertin e datës 24 tetor në Bolonjë, Itali”, ka shkruar Soni në njoftimin e saj.
Soni Malaj via Instagram Story
Këngëtarja nuk ka dhënë detaje të tjera lidhur me anulimin, por ka kërkuar mirëkuptimin e publikut, duke shprehur shpresën se do të takohen sërish së shpejti.
Njoftimi vjen në një kohë kur protestat në Tiranë kanë tërhequr vëmendjen e qytetarëve dhe figurave publike. Megjithatë, Soni Malaj nuk ka sqaruar në mënyrë specifike se cilat ngjarje kanë ndikuar në vendimin e saj.
