Edhe pse “Big Brother VIP Albania” ka përfunduar, përplasjet mes ish-banorëve vazhdojnë të jenë në qendër të vëmendjes. Së fundmi, një video virale ka ndezur rrjetin, ku Rogerti shihet duke performuar në një club në Tiranë këngën që krijoi për Selinën gjatë qëndrimit në shtëpi.
E ftuar në emisionin “Goca dhe Gra”, fituesja Selin Bollati reagoi pa dorashka, duke dhënë një përgjigje ironike dhe mjaft thumbuese:
“Unë ha në emrin tim, ndërsa Rogerti paska dëshirë të ecë me emrin tim.”
Kjo deklaratë lë të kuptohet qartë se Selin mendon se ish-konkurrenti po përpiqet të përfitojë nga fama e saj, ndërkohë që ajo po shijon suksesin personal.
E pyetur nëse do ta ndjekë çështjen në rrugë ligjore, Selin pranoi se ka marrë shpesh këshilla për ta çuar situatën në gjyq, por ajo ka zgjedhur një tjetër qasje.
“Shumë më kanë thënë ta hedh në gjyq, por unë besoj te Zoti. Nëse nuk ia kthej unë, ka dikush më lart,” u shpreh ajo, duke treguar se preferon të qëndrojë larg përshkallëzimit të konfliktit.
Deklarata e saj ka ndezur sërish debatin online, duke rikthyer vëmendjen tek raporti i tensionuar mes dy ish-banorëve dhe përdorimi i imazhit publik pas daljes nga reality show.
