Një debat i ashpër është zhvilluar në rrjetet sociale mes Dea Mishel dhe deputetes Zeqine Çaushi, pas reagimeve të fundit ndaj deklaratave të kryeministrit Edi Rama.
Gjatë një takimi në Elbasan, Rama kishte ironizuar disa figura publike që kanë mbështetur protestat kundër projekteve në Zvërnec, duke sjellë reagime të shumta online.
Një ndër reagimet më të forta erdhi nga Dea Mishel, e cila doli në mbështetje të influencueseve dhe kritikoi qasjen e kryeministrit.
Në deklaratën e saj, ajo përmendi edhe deputeten Zeqine Çaushi, duke e kritikuar për mënyrën e përfaqësimit në parlament.
Pas kësaj, debati mori një kthesë tjetër kur Çaushi i shkroi privatisht Deas, duke i dërguar foto nga periudha kur ajo ishte pjesë e “Big Brother VIP”.
Dea Mishel via Instagram Story
Sipas raportimeve, krahas fotove, deputetja ka reaguar me tone të ashpra ndaj saj.
Përplasja ka shkaktuar reagime të shumta në rrjet, ku përdoruesit kanë nisur diskutime mbi mënyrën e komunikimit publik dhe përplasjet mes personazheve të njohura.
Deri tani, situata vijon të komentohet, ndërsa mbetet për t’u parë nëse do të ketë reagime të tjera nga të dyja palët.
