Marrëdhënia mes Gimbos dhe Selin në Big Brother VIP Albania ka marrë një tjetër kthesë, duke u bërë edhe më e drejtpërdrejtë dhe e komentuar.
Gjatë një bisede brenda shtëpisë, Gimbo ka bërë një deklaratë të fortë ndaj Selinës, duke lënë të kuptohet se lidhja mes tyre ka kaluar në një nivel më të thellë emocional. Kjo deklaratë ka habitur banorët dhe ka ndezur menjëherë reagime në rrjet.
Raporti mes tyre ka qenë në zhvillim prej ditësh, me momente të shumta afrimiteti, përfshirë biseda intime, gjeste romantike dhe kohë të kaluar së bashku larg banorëve të tjerë.
Madje, dyshja janë parë edhe në situata shumë të afërta, duke shkëmbyer puthje dhe duke ndarë të njëjtin ambient gjumi, çka ka forcuar dyshimet për një romancë të konsoliduar mes tyre.
Kjo deklaratë e fundit vetëm sa e ka bërë më të qartë për publikun se marrëdhënia e tyre nuk është më thjesht lojë, por një nga historitë më të forta të këtij sezoni.
