Ish-banorja e “Big Brother VIP Albania”, Efi Dhedhes, ka ndarë me ndjekësit në Instagram një mesazh fyes që ka marrë nga një përdorues i rrjetit social, duke zgjedhur ta kthejë situatën në një moment ironik.
Në fotografinë e publikuar në InstaStory, shihet mesazhi ku një person i drejtohet Efit me një ofendim të rëndë, duke e quajtur “një copë k*rvë”.
Por, në vend që të përfshihej në një debat me ndjekësin, Efi ka zgjedhur t’i përgjigjet me humor dhe ironi, duke vënë në dukje një gabim në mënyrën se si ishte formuluar fjalia.
“Thuhet ‘ti je një copë k*rvë’, jo ‘ty je’”, i është përgjigjur ajo, duke e shoqëruar mesazhin me një zemër të bardhë.
Më pas, ish-banorja e reality show-t ka publikuar bisedën në InstaStory, duke shtuar edhe një koment për ndjekësit që i dërgojnë mesazhe të tilla.
“He tani mos më mërzisni… mësoni të shpreheni”, ka shkruar Efi.
Efi Dhedhes via Instagram Story
Me këtë reagim, Efi Dhedhes ka treguar se ka zgjedhur t’u përgjigjet ofendimeve në mënyrën e saj, duke e zhvendosur vëmendjen nga fjalët fyese te gabimi gjuhësor i personit që i shkroi.
