Pas momentit tronditës në Ferma VIP, ku Indrit i dha fund lidhjes së tyre përmes një letre të lexuar live, ka ardhur edhe reagimi i fortë i Vanesa.
Përmes një postimi të gjatë në Instagram, Vanesa ka treguar versionin e saj të ngjarjes dhe ka hedhur akuza të forta ndaj produksionit, duke lënë të kuptohet se gjithçka ishte pjesë e një skenari të menduar paraprakisht.
Ish-banorja zbuloi se mungesa e saj në Prime nuk ishte rastësi, por një vendim i vetëdijshëm pasi kishte kuptuar përmbajtjen e letrës dhe mënyrën sesi, sipas saj, po ndërtohej situata televizive.
“Kam pritur që hijet e mia të dyshimit të vërtetohen,” – shkroi Vanesa, duke shtuar se nuk dëshironte të bëhej pjesë e një narrative të krijuar për interes televiziv.
Vanesa Sono via Instagram Story
Në reagimin e saj, ajo pretendoi se produksioni i kishte kërkuar më herët të përballej në studio me Klevisa dhe Sara, por kishte refuzuar.
Sipas Vanesës, vetëm pas këtij refuzimi i ishte treguar për ekzistencën e letrës së Indrit, gjë që e bëri të dyshonte edhe më shumë mbi mënyrën sesi po menaxhohej e gjithë situata.
Deklarata e saj ka ndezur menjëherë reagime në rrjetet sociale, ku ndjekësit janë ndarë mes atyre që mbështesin Vanesën dhe atyre që besojnë se gjithçka është pjesë e lojës së spektaklit Ferma VIP.
