Vetëm pak orë përpara se Indri t’i jepte fund lidhjes së tyre përmes një letre live në Ferma VIP, Vanesa kishte folur publikisht për planet dhe ëndrrat që kishte për të ardhmen me të.
Në një intervistë për Dukagjini TV, ish-banorja u shpreh hapur për dëshirën e saj më të madhe: të bëhej nënë.
Vanesa tregoi se këtë dëshirë ia kishte shprehur edhe Indri gjatë kohës që ishin bashkë në fermë.
“Një nga gjërat që dua më së shumti për veten është të kem një fëmijë,” – u shpreh ajo.
Megjithatë, Vanesa theksoi se nuk kishte dashur të hynte shumë në detaje publike për këtë temë, pasi e konsideronte një çështje shumë personale që duhej diskutuar larg kamerave.
Ajo la të kuptohej se marrëdhënia mes tyre kishte pasur biseda serioze për të ardhmen, por situata ishte bërë më delikate edhe për shkak të faktit se Indri është tashmë baba i një fëmije.
Sipas saj, kjo e kishte bërë më të kujdesshme në deklaratat publike, për të respektuar të gjithë personat e përfshirë.
Pas publikimit të kësaj interviste, rrjeti është mbushur me reagime, pasi shumë ndjekës po komentojnë kontrastin mes planeve që Vanesa kishte për marrëdhënien dhe mënyrës së papritur se si erdhi ndarja publike nga Indri.
