Një zhvillim i ri ka tërhequr vëmendjen e ndjekësve të Mateo Borri, pas raportimeve dhe videove që po qarkullojnë në rrjetet sociale lidhur me adresën “Pre.Ent_”.
Sipas pretendimeve që po shpërndahen në TikTok dhe platforma të tjera, faqja në fjalë nuk rezulton më aktive, duke nxitur menjëherë spekulime mes ndjekësve. Kjo ka marrë vëmendje të veçantë pasi Mateo ishte i lidhur me këtë projekt në rolin e ambasadorit të markës (Brand Ambassador).
Mungesa e profilit ka bërë që shumë përdorues të aludojnë për një mbyllje të mundshme të platformës ose përfundim të bashkëpunimit mes palëve. Megjithatë, deri në këtë moment nuk ka asnjë konfirmim zyrtar nga Mateo apo nga drejtuesit e projektit që të sqarojë situatën.
Për këtë arsye, mbetet e paqartë nëse bëhet fjalë për një problem teknik, një pezullim të përkohshëm apo një vendim për mbylljen e aktivitetit online. Pa një reagim zyrtar, çdo interpretim mbi arsyet e mungesës së faqes mbetet në nivel spekulimesh.
Ky zhvillim vjen në një periudhë kur Mateo Borri është përfolur shpesh në media dhe rrjete sociale, kryesisht për shkak të aludimeve rreth jetës së tij personale dhe raportit me Brikena Selmani, çka ka bërë që çdo detaj i lidhur me të të marrë vëmendje të shtuar nga publiku.
