Pak ditë para natës finale, produksioni i “Ferma VIP” ka vendosur të bëjë një ndryshim në programacion, duke surprizuar ndjekësit e formatit.
Ndryshimi lidhet me Prime-in e radhës, i cili nuk do të transmetohet në ditën e zakonshme të premte, por do të zhvendoset në një ditë tjetër.
Sipas kalendarit të këtij edicioni, finalja e madhe e “Ferma VIP” do të mbahet më 15 qershor, ndërsa gjatë javëve të fundit spektaklet kryesore janë transmetuar rregullisht çdo të hënë dhe të premte.
Për shkak të afrimit të finales, produksioni ka vendosur që spektakli i fundit para natës së madhe të zhvillohet të enjten, në mënyrë që të krijohet një hapësirë më e përshtatshme për përgatitjet finale.
Ky ndryshim i jep më shumë kohë si finalistëve, ashtu edhe stafit realizues për organizimin e mbrëmjes përmbyllëse.
Vendimi ka tërhequr vëmendjen e fansave, të cilët tashmë presin me interes momentet e fundit të garës dhe shpalljen e fituesit të “Ferma VIP”.
