Edhe poetja Mimoza Ahmeti ka reaguar pas situatës së krijuar nga publikimi dhe shpërndarja në rrjet e materialeve private që lidhen me kompozitorin Adrian Hila.
Këtë herë, Ahmeti është ndalur te Monika Lubonja, emri i së cilës është përmendur prej ditësh në diskutimet që kanë pasuar publikimin e materialeve.
Reagimi i poetes erdhi në një postim të Ema Andreas në Instagram. Në seksionin e komenteve, Mimoza Ahmeti la një mesazh të shkurtër, por të drejtpërdrejtë, duke folur për raportin e pretenduar mes Lubonjës dhe Hilës.
“Monika e donte, nuk shkonte për interes”, shkroi Ahmeti, duke e shoqëruar komentin edhe me një zemër.
Me këtë deklaratë, poetja duket se kundërshton aludimet për interesa profesionale apo përfitime të tjera si arsye për afrimitetin e pretenduar mes dy personave.
Megjithatë, Ahmeti nuk ka dhënë detaje apo shpjegime të tjera mbi bazën e këtij pohimi dhe nuk ka sqaruar se çfarë di konkretisht për raportin mes tyre.
Reagimi i saj vjen në një moment kur edhe Ema Andrea ka folur publikisht për Monika Lubonjën, duke treguar se ka komunikuar me të dhe se aktorja po e përjeton rëndë situatën e krijuar.
Ndërkohë, Monika Lubonja nuk ka dhënë deri tani një version publik mbi natyrën e raportit të saj me Adrian Hilën. Për këtë arsye, pohimi se mes tyre ka pasur ndjenja mbetet një deklaratë e Mimoza Ahmetit dhe jo një konfirmim nga vetë Lubonja.
