Reality show i njohur Ferma VIP pritet të rikthehet me sezonin e tretë më 27 mars, ndërsa së fundmi janë publikuar edhe pamjet e para nga ambientet ku do të zhvillohet formati.
Nga materialet e shpërndara, duket se këtë vit është investuar në një hapësirë më të kuruar dhe me stil rural, duke ruajtur konceptin e jetës në fermë, por me një paraqitje më moderne dhe tërheqëse për publikun. Ambientet përfshijnë zona të dedikuara për punët e përditshme, pushim dhe sfida, duke krijuar një atmosferë që kombinon natyrën me elementë spektakli. 
Programi, i cili vendos personazhe të njohur përballë sfidave fizike dhe jetës në kushte ferme, ka arritur sukses të madh në sezonet e kaluara dhe pritet të sjellë dinamika të reja edhe këtë vit. 
Ndërkohë, publiku mbetet në pritje për të mësuar emrat e konkurrentëve, të cilët ende nuk janë bërë publikë, duke shtuar edhe më shumë kureshtjen për nisjen e spektaklit.
