Pas konfirmimit si opinionist në sezonin e ri të Ferma VIP, Ermal Mamaqi ka reaguar me stilin e tij karakteristik, duke paralajmëruar një sezon plot debate.
Ai ka bërë një deklaratë që ka marrë menjëherë vëmendjen e publikut, duke thënë me humor:
“Premtoj… do kapem prej flokësh me Einxhelin!”, duke iu referuar Einxhel Shkirës.
Kjo deklaratë është interpretuar më shumë si një paralajmërim për debate të forta dhe dinamika interesante në panel, sesa një konflikt real, duke qenë se të dy njihen për karaktere të forta dhe opinione të drejtpërdrejta.
Ermal Mamaqi via Facebook
Sezoni i tretë i Ferma VIP pritet të nisë më 27 mars dhe do të sjellë një panel të ri opinionistësh, ku përveç Mamaqit dhe Einxhelit, pjesë do të jetë edhe Armina Mevlani .
Reagimi i Mamaqit ka rritur akoma më shumë pritshmëritë për spektaklin, pasi publiku pret përplasje mendimesh, debate të forta dhe momente pikante mes opinionistëve, që shpesh bëhen po aq të diskutuar sa vetë ngjarjet brenda fermës.
