Një tjetër thashethem i bujshëm ka qarkulluar së fundmi rreth raportit mes Selin Bollatit dhe DJ Gimbos, duke ngritur pikëpyetje nëse dyshja ka pasur një marrëdhënie të mëparshme para hyrjes në Big Brother VIP Albania 5.
Gjatë një interviste në rubrikën “Trotuar” të emisionit “E Diell”, ish-banorja Greta Kazazi ka vendosur të sqarojë situatën, duke hedhur poshtë kategorikisht këto pretendime.
Ajo u shpreh se Selin dhe Gimbo janë njohur për herë të parë brenda shtëpisë së BBV, duke mohuar çdo lidhje apo raport romantik para formatit.
Ndërkohë, në intervistë u diskutua edhe marrëdhënia e Gimbos me familjen e Selinës, ku sipas Kazazit, raportet janë shumë të mira dhe pa tensione, pa asnjë shenjë xhelozie apo ndarjeje preferencash.
Pretendimi për një lidhje të mëparshme ishte bërë nga Bruno Shemsho, por sipas kësaj dëshmie, gjithçka mbetet në nivelin e spekulimeve të pabazuara.
Kështu, të paktën nga ky version, historia mes Selinës dhe Gimbos duket se ka nisur ekskluzivisht brenda reality show-t.
