Pas përplasjeve në Big Brother VIP Albania Fan Club, ish-banorja Edisa Demollari ka reaguar publikisht ndaj opinionistit Arjan Konomi, duke e çuar debatin përtej ekranit.
Në një postim në rrjetet sociale, ajo ka përdorur tone të forta dhe ironike, duke iu përgjigjur deklaratave që, sipas saj, u bënë ndaj saj gjatë emisionit. Në mesazhin e saj, Edisa shkruan: “Do të thosha se je ‘gay’, por…”, duke vijuar më tej me komente personale dhe krahasime, që kanë nxitur reagime të shumta online.
Edisa Demollari via Instagram Story
Ky reagim vjen pas një debati të tensionuar në studio, ku duket se përplasjet verbale nuk kanë mbetur vetëm brenda programit, por janë zhvendosur edhe në rrjetet sociale, duke marrë një dimension më personal.
Deri tani, Arjan Konomi nuk ka dhënë një reagim publik lidhur me këtë deklaratë, ndërsa postimi i Edisës po qarkullon gjerësisht dhe ka ndezur diskutime të forta në publik.
