Një lajm i bukur po qarkullon për Bucin, një nga ish-banorët më të komentuar të Big Brother VIP Kosova 2.
Sipas burimeve të Prive, partnerja e tij, Verona, është në pritje të ëmbël, ndërsa çifti pritet të bëhet sërish prind.
Edhe pse dyshja kanë zgjedhur ta mbajnë jetën private larg vëmendjes së publikut, lajmi ka nisur të qarkullojë në rrethet e afërta të tyre, duke ngjallur interes te ndjekësit.
Pas ardhjes në jetë të djalit të tyre, familja pritet të zgjerohet edhe me një tjetër anëtar. Megjithatë, gjinia e foshnjës nuk është bërë ende e ditur.
Deri më tani, Buci dhe Verona nuk kanë reaguar publikisht për të konfirmuar ose mohuar këto raportime, ndaj informacioni mbetet në nivel burimesh.
Nëse lajmi konfirmohet, çifti do të nisë një tjetër kapitull të rëndësishëm në jetën e tyre familjare.
