Pas ndarjes së bujshme nga Jashari, e cila për një kohë të gjatë u kthye në një nga temat më të diskutuara në rrjetet sociale dhe mediat rozë, emri i Hatit është rikthyer sërish në qendër të vëmendjes.
Këtë herë, vëmendjen e kanë marrë disa fotografi të publikuara së fundmi, ku influencerja shihet në shoqërinë e një djali misterioz, i cili nuk është i njohur për publikun. Pamjet janë shpërndarë fillimisht në Instagram dhe kanë shkaktuar menjëherë reagime të shumta nga ndjekësit.
Në fotot që po qarkullojnë online, Hati shfaqet pranë tij në një ambient publik, ndërsa afrimiteti mes tyre ka bërë që shumë përdorues të rrjeteve sociale të ngrenë dyshime për një lidhje të re romantike.
Edhe pse deri tani nuk ka pasur asnjë konfirmim zyrtar nga vetë Hati, komentet dhe aludimet nga ndjekësit nuk kanë munguar.
Ndërkohë, influencerja ka zgjedhur të mos bëjë ende asnjë reagim publik, duke lënë hapësirë për spekulime rreth jetës së saj sentimentale.
