Sezoni i ri televiziv sjell ndryshime të reja në ekranet shqiptare, ndërsa një prej rikthimeve të këtij shtatori është ai i gazetares dhe moderatores Valbona Mhilli.
Pas një periudhe larg televizionit, Mhilli rikthehet në ekran, këtë herë në News24, ku i është besuar drejtimi i emisionit të mëngjesit “Vila24”.
Ky përbën një angazhim të ri në karrierën e saj, pas një eksperience të gjatë në gazetari dhe moderim. Përmes formatit të mëngjesit, Valbona do të rikthehet në kontakt të përditshëm me publikun, duke sjellë një tjetër etapë në rrugëtimin e saj televiziv.
“Vila24” do të jetë sfida e radhës për moderatoren, në një sezon ku televizionet shqiptare po prezantojnë ndryshime të shumta në programacion dhe po zbulojnë figurat që do të jenë në krye të formateve të reja.
Emisioni pritet të nisë transmetimin gjatë muajit shtator në News24, duke shënuar rikthimin e Valbona Mhillit në ekran dhe në rolin e moderatores së një prej formateve të mëngjesit.
