Aktorja Julia Ilirjani ka reaguar publikisht pasi emri i saj u përmend në rrjet në lidhje me videot intime që kanë qarkulluar ditët e fundit në rrjetet sociale.
Në një lidhje të drejtpërdrejtë për emisionin “Top Story”, Ilirjani shprehu keqardhjen për gratë që janë përfshirë në këtë histori, ndërsa foli edhe për shqetësimin që i shkakton fakti që momente private filmohen dhe më pas shpërndahen publikisht.
“Më vjen shumë keq që ka njerëz që u prishin karrierën njerëzve që kanë punuar prej vitesh e vitesh. E kuptoj që kur je person publik do jesh në vëmendje si për mirë, si për keq”, u shpreh aktorja.
Megjithatë, ajo theksoi se ajo që e ka tronditur më shumë është vetë filmimi i momenteve intime dhe mënyra se si këto materiale mund të kenë përfunduar në duart e personave të tjerë.
“Por më shumë se me çfarë u ka ndodhur atyre zonjave, jam edhe më e shokuar për atë që ka xhiruar. Nëse e ka bërë vetë është edhe më e tmerrshme dhe, nëse ia kanë vënë kamerën, është po prapë e tmerrshme”, deklaroi Ilirjani.
Gjatë intervistës, aktorja tregoi se kishte marrë vesh se emri i saj po përmendej në rrjet në lidhje me videot.
Sipas saj, situata u bë aq e dukshme saqë edhe vajza e saj e pyeti drejtpërdrejt se çfarë po ndodhte.
“Dëgjova që ishte lakuar edhe emri im. Filluan të më dërgonin disa SMS në Instagram njerëz me zero follow, pastaj ime bijë më tha: ‘Çfarë është kjo, pse po flasin për ty?’”, tregoi aktorja.
Përgjigjja e Ilirjanit ishte e drejtpërdrejtë:
“Rri e qetë, figura ime nuk është aty.”
Me këtë deklaratë, Julia Ilirjani mohon se është personi që shfaqet në materialet intime që po qarkullojnë, ndërsa njëkohësisht e zhvendos vëmendjen te një tjetër aspekt i çështjes: filmi dhe shpërndarja e materialeve private pa pëlqim.
Aktorja theksoi se diskutimi nuk duhet të fokusohet vetëm te identitetet e personave që përfliten, por edhe te mënyra se si materiale të tilla private regjistrohen dhe më pas përhapen në internet.
