Debati rreth përplasjes mes Dea Mishel dhe emisionit “Top Story” ka vijuar të marrë vëmendje në rrjetet sociale.
Pas reagimit të saj të gjatë ndaj moderatores Grida Duma, ish-banorja e “Big Brother VIP Albania” ka ngritur një tjetër pretendim lidhur me arsyen pse, sipas saj, u vu në qendër të kritikave gjatë programit.
Dea ka lënë të kuptohet se situata mund të jetë ndikuar nga refuzimi i saj për të qenë e ftuar në emision.
“Do ishte më e ndershme ta shprehnit haptazi se ju ka hidhëruar refuzimi im për ftesën tuaj, ndaj po shikoj këto klipe sot”, ka shkruar ajo në reagimin e saj.
Dea Mishel via Instagram
Ajo pretendon se diskutimet në studio dhe mënyra se si u trajtua figura e saj nuk ishin të rastësishme, por të lidhura me vendimin e saj për të mos marrë pjesë në program.
Dea ka kritikuar gjithashtu faktin që nga një emision i gjatë, në rrjete sociale u shpërnda pikërisht pjesa ku ajo ishte objekt kritikash dhe komentesh negative.
Deri tani, moderatorja Grida Duma nuk ka bërë një reagim publik lidhur me deklaratat e Deas.
