E ftuar në emisionin Wake Up, Rabea Shahini ka reaguar lidhur me një nga situatat më të diskutuara të ditëve të fundit në Big Brother VIP Albania 5.
Debati nisi pasi Miri rrëfeu brenda shtëpisë një incident, ku kishte dëgjuar një person nga jashtë duke ofenduar Selin Bollati. Në rrjetet sociale, kjo situatë u keqinterpretua nga disa ndjekës, të cilët aluduan se bëhej fjalë për vajzën e tij 13-vjeçare.
Përballë këtyre pretendimeve, Rabea reagoi prerë, duke mohuar çdo lidhje të familjes së saj me këtë ngjarje. Ajo theksoi se familja e tyre nuk përdor gjuhë fyese dhe se vajza e tyre është rritur me edukatë dhe respekt.
Sipas saj, përfshirja e një të miture në këto diskutime është e papranueshme dhe e padrejtë. Ajo kërkoi më shumë përgjegjshmëri nga publiku dhe përdoruesit e rrjeteve sociale përpara se të përhapin lajme të pakonfirmuara që prekin familjarët e banorëve jashtë lojës.
Në përfundim, Rabea Shahini e bëri të qartë se askush nga familja e tyre nuk ka ofenduar Selin Bollati, duke i dhënë kështu fund spekulimeve që qarkulluan online.
