Moderatorja Alketa Vejsiu ka reaguar pa hezitim ndaj një komenti kritik që mori në rrjetet sociale pas postimit emocional kushtuar Michelle-s, vajzës që bashkëshorti i saj Adriani ka nga martesa e parë.
Pas dedikimit prekës që Alketa ndau në Instagram, një ndjekëse e akuzoi moderatoren se ishte futur në mes të një martese.
“Domethënë qenke martuar me një burrë të martuar ose je futur në mes…”, – shkruante komentuesja.
Por Alketa nuk zgjodhi të heshtë. Moderatorja iu përgjigj publikisht me një koment të shkurtër, por shumë të drejtpërdrejtë:
“Një burrë yll që ishte single kur e takova.”
Reagimi i saj mori menjëherë vëmendje në rrjet, ndërsa shumë ndjekës vlerësuan mënyrën e qetë dhe të sigurt me të cilën moderatorja iu përgjigj akuzës.
Debati nisi pasi Alketa publikoi një mesazh plot dashuri për Michelle-n, të cilën e quajti:
“Motra e madhe e dy fëmijëve të mi.”
Postimi u komentua gjerësisht në rrjetet sociale dhe u shoqërua me reagime të shumta pozitive për marrëdhënien familjare që moderatorja ka ndërtuar ndër vite.
