A do të ketë së shpejti dasmë në showbiz-in shqiptar? Fansat që presin të shohin Ola-n dhe Adin drejt altarit duhet të bëjnë edhe pak durim, pasi ish-konkurrentja e Ferma VIP ka zbuluar se martesa nuk është ende në planet e tyre të afërta.
Çifti ishte i pranishëm në eventin e organizuar nga brendi i modës Stilium, me rastin e prezantimit të koleksionit të ri. Në këtë mbrëmje, Ola dhe Adi u intervistuan nga ekipi i Prive by LS, ku folën për marrëdhënien dhe planet që kanë për të ardhmen.
E pyetur nëse ka ndonjë zhvillim të ri në lidhjen e tyre dhe nëse po mendojnë për martesë, Ola nuk la vend për shumë aludime. Ajo sqaroi se nuk kanë ndërmend të nxitojnë drejt këtij vendimi, pasi dëshirojnë që hapi i rëndësishëm të vijë në momentin e duhur.
“Martesa nuk është e afërt. Besoj që do të jetë në një moment të dytë, kur ne të jemi më të gatshëm dhe më të plotësuar me veten. Kurdo që të vijë, do të jetë një martesë që ne e ndiejmë”, u shpreh ajo.
Pra, edhe pse dasma nuk është në horizontin e afërt, Ola duket se nuk e përjashton aspak këtë hap, duke lënë të kuptohet se dëshiron që gjithçka të ndodhë natyrshëm, pa presion dhe pa nxitim.
Nga ana tjetër, Adi foli edhe për angazhimet e tij profesionale, duke zbuluar se po punon për disa projekte të reja, të cilat pritet të bëhen publike së shpejti.
Ndërkohë, eventi i mbrëmjes ishte organizuar nga Stilium, i cili prezantoi koleksionin e tij më të ri në praninë e shumë personazheve të njohur të ekranit shqiptar.
Për momentin, fansave të çiftit u mbetet të presin, pasi Ola dhe Adi nuk kanë ende një datë për martesën, por duket se ky kapitull mund të vijë në të ardhmen!
