Pas muajsh spekulimesh për një romancë të mundshme, një detaj i ri ka rikthyer në qendër të vëmendjes raportin mes Ledri Vulës dhe Xhensila Myrtezajt.
Ndjekësit kanë vënë re se dy artistët nuk e ndjekin më njëri-tjetrin në Instagram, një veprim që ka nxitur menjëherë aludime se marrëdhënia e tyre mund të ketë marrë fund.
Prej kohësh, Ledri Vula dhe Xhensila Myrtezaj janë përfolur për një lidhje, megjithëse asnjëri nuk i ka konfirmuar kurrë publikisht këto zëra. Megjithatë, afrimiteti i tyre dhe disa paraqitje së bashku kanë ushqyer vazhdimisht spekulimet.
Tashmë, heqja e ndjekjes në Instagram është interpretuar nga shumë ndjekës si një sinjal se mes tyre mund të ketë ndodhur një krisje.
Megjithatë, deri në këtë moment, Ledri Vula dhe Xhensila Myrtezaj nuk kanë bërë asnjë deklaratë publike për të konfirmuar apo mohuar këto aludime. Për rrjedhojë, pretendimet për një ndarje mbeten thjesht spekulime, të bazuara në aktivitetin e tyre në rrjetet sociale.
