Ndërsa rrugëtimi i Mirit në Big Brother VIP Albania 5 po i afrohet fundit, mbështetja nga miqtë dhe kolegët e tij artistë po bëhet gjithnjë e më e dukshme.
Së fundmi, një reagim që ka tërhequr shumë vëmendje ka ardhur nga Aurela Gaçe. Këngëtarja ka ndarë një mesazh emocional në rrjetet sociale, ku tregon se zakonisht ka zgjedhur të mos komentojë për miqtë e saj që bëhen pjesë e formateve të tilla.
Sipas saj, kjo vjen për shkak të klimës së negativitetit dhe gjuhës së ashpër që shpesh shoqëron këto programe. Megjithatë, për Mirin ajo ka bërë një përjashtim.
Në reagimin e saj, Aurela ka rikujtuar edhe grupin legjendar West Side Family dhe figurën e paharruar të Dr. Flori, duke theksuar ndikimin që kanë pasur tek publiku ndër vite.
Ajo shprehet se e rëndësishme është arsyeja pse Miri vendosi të bëhej pjesë e këtij rrugëtimi dhe i uron që të marrë frytet e kësaj eksperience. Në fund, këngëtarja thekson se përtej garës dhe fituesit, ajo që ka më shumë vlerë është dashuria dhe energjia pozitive.
Aurela Gace via Instagram Story
Mesazhi i saj vjen në një moment kur gara është në kulm, duke i dhënë Mirit një mbështetje të fortë morale nga jashtë.
