Ndërsa finalja e Big Brother VIP Albania po afrohet me ritme të shpejta, marrëdhëniet dhe aleancat brenda shtëpisë duken gjithnjë e më të paqëndrueshme.
Pas një rrugëtimi të gjatë prej 120 ditësh, vetëm pak ditë para finales së madhe, tensioni është rritur ndjeshëm, edhe pse jo gjithçka shoqërohet me përplasje të forta. Në një moment reflektimi, Rogerti dhe Selin kanë diskutuar hapur për strategjinë e Mirit, duke ngritur pikëpyetje mbi mënyrën si ai ka luajtur lojën deri tani.
Rogerti pranoi se situata ka qenë e vështirë për t’u kontrolluar, duke u shprehur:
“Kjo ka qenë loja e Mirit… ne kemi luajtur si top futbolli me të”, ndërsa theksoi se tani është momenti që të jenë më të kujdesshëm, pasi fundi është shumë pranë.
Ai shkoi edhe më tej, duke sugjeruar se disa veprime të Mirit mund të kenë qenë të qëllimshme dhe jo të sinqerta, madje përmendi edhe dyshime për një pëlqim të inskenuar ndaj Nikol. Sipas tij, pyetje të paqarta si “A je dakord për atë gjënë?” kanë ngritur dyshime, pasi nuk shoqëroheshin me shpjegime.
“Prandaj unë… nuk i kam besuar fare,” u shpreh Rogerti, duke theksuar se këtë dyshim e kishte ndarë edhe në Dhomën e Rrëfimit.
Nga ana tjetër, Selin reagoi ndaj një pretendimi të Mirit se ajo e kishte parë atë me një “23-vjeçare”, duke e mohuar plotësisht dhe duke e quajtur këtë një përpjekje për të krijuar histori të pavërteta.
Tashmë gara është ngushtuar mes katër finalistëve: Selin, Mateo, Miri dhe Rogert. Mbetet për t’u parë nëse strategjia e Mirit do ta çojë drejt fitores apo nëse këto dyshime të fundit do të ndryshojnë rrjedhën e lojës në natën finale.
