Jonida Maliqi dhe Alessio Alia kanë tërhequr vëmendjen me paraqitjen e tyre së bashku në dasmën e Kidës dhe Ajbit, e cila po zhvillohet në Romë.
Dyshja është fotografuar krah njëri-tjetrit gjatë ceremonisë, në një imazh të siguruar nga “Prive By Liberta Spahiu”. Dalja e tyre e përbashkët vjen pas muajsh raportimesh dhe aludimesh për një lidhje dashurie mes këngëtares dhe ish-banorit të “Big Brother VIP Albania”.
Jonida dhe Alessio kanë zgjedhur deri tani të jenë diskretë për jetën e tyre private, duke mos bërë një deklaratë të drejtpërdrejtë për natyrën e marrëdhënies.
Megjithatë, shfaqja e tyre së bashku në një prej eventeve më të rëndësishme të showbiz-it shqiptar ka marrë menjëherë vëmendjen e publikut. Kjo konsiderohet ndër daljet e tyre më të qarta në publik, pas zërave që kanë qarkulluar gjatë muajve të fundit.
Edhe pse ende nuk ka një konfirmim zyrtar nga Jonida apo Alessio për statusin e tyre, fotografia e përbashkët në dasmën e Kidës dhe Ajbit ka shtuar edhe më shumë dyshimet se mes tyre mund të ketë më shumë se një miqësi.
Tashmë mbetet për t’u parë nëse kjo dalje publike do të pasohet edhe nga një reagim i çiftit për lidhjen e përfolur.
