Ish-banorja e “Big Brother VIP Albania 5”, Egi, ka shkaktuar diskutime në rrjet pas një interviste në “She’s On Air”, ku ka folur për një situatë që pretendon se ka përjetuar gjatë qëndrimit në shtëpinë e reality show-t.
Gjatë bisedës, ajo rrëfeu një episod me ish-finalistin Rogert Sterkaj, duke thënë se ai i kishte bërë disa komente që ajo i konsideroi të papërshtatshme gjatë një momenti të përditshëm brenda shtëpisë.
Egi tregoi se në atë kohë nuk e kishte zgjeruar më tej situatën, pasi ishte ende pjesë e formatit dhe kishte zgjedhur të mos e kthente në një debat më të madh.
Kur u pyet pse nuk kishte reaguar publikisht që atëherë, ajo u shpreh:
“Ky njeri luan egër”, duke lënë të kuptohet se kishte preferuar ta menaxhonte situatën brenda rrethanave të lojës.
Deklarata e saj ka sjellë reagime të shumta nga ndjekësit, ndërsa deri tani nuk ka pasur një reagim publik nga Rogert Sterkaj lidhur me këto pretendime.
