Një moment i veçantë nga nata e fundit e “Ferma VIP” ka bërë xhiron e rrjeteve sociale, pasi Ermal Mamaqi dhe Mimoza Ahmeti patën një komunikim që tërhoqi vëmendjen e publikut.
Vetëm pak ditë para finales së madhe, produksioni organizoi një takim mes fermerëve dhe tre opinionistëve të spektaklit: Ermal Mamaqi, Einxhel Shkira dhe Armina Mevlani.
Gjatë vizitës së tyre në fermë, krahas diskutimeve për lojën dhe eksperiencën e konkurrentëve, një bisedë mes Ermalit dhe Mimozës u bë menjëherë temë diskutimi.
Sipas pamjeve, Mamaqi i përcolli shkrimtares një situatë të ndodhur jashtë shtëpisë, duke përdorur kryesisht gjeste dhe mimikë, pasi banorët e “Ferma VIP” janë të izoluar nga zhvillimet e jashtme.
Ai i shpjegoi me anë të lëvizjeve një moment të komentuar publikisht ku kryeministri Edi Rama u përfol se kishte ironizuar moderatoren Fjoralba Ponari gjatë një daljeje publike.
Pikërisht ky komunikim u kap nga ndjekësit, të cilët e kuptuan menjëherë referencën dhe nisën komentet në rrjet.
Ndërkohë, Mimoza Ahmeti, për shkak të izolimit brenda fermës, nuk kishte të gjithë informacionin mbi zhvillimet jashtë dhe e kishte më të vështirë të kuptonte menjëherë situatën.
Momenti është kthyer në një nga skenat më të diskutuara të mbrëmjes, duke nxitur reagime të shumta nga fansat e formatit.
