Një diskutim i ri është hapur në rrjetet sociale, ku në qendër të vëmendjes është vendosur këngëtari Yll Limani.
Në kulmin e protestave të zhvilluara në Tiranë, disa përdorues kanë nisur thirrje për bojkotimin e koncertit të tij, duke shprehur pakënaqësi ndaj disa personazheve publike që, sipas tyre, nuk kanë reaguar për çështjet që po diskutohen aktualisht.
Në postime të ndryshme që qarkullojnë online, disa qytetarë kanë deklaruar se nuk do të marrin pjesë në koncert, edhe pse disa prej tyre pretendojnë se kishin blerë më herët bileta.
Diskutimi është shoqëruar edhe me shpërndarjen e disa fotove të Yll Limanit nga aktivitete publike, të cilat janë komentuar nga ndjekësit në kontekstin e zhvillimeve të fundit.
Disa postime kanë listuar një sërë temash që kanë qenë pjesë e debatit publik në vend, duke përfshirë çështje sociale dhe politike.
Deri tani, Yll Limani nuk ka bërë një reagim publik lidhur me thirrjet për bojkot që po qarkullojnë në rrjete sociale.
