Vetëm një ditë para nisjes së “Big Brother VIP Kosova 5”, një tjetër emër ka hyrë në listën e personazheve që përfliten si konkurrentë të mundshëm të këtij edicioni. Këtë herë bëhet fjalë për Suada Muçën, emri i së cilës ka nisur të qarkullojë në rrjetet sociale.
Dyshimet u shtuan pas publikimit të një fotografie nga disa faqe në Kosovë, ku Suada Muça shfaqet përpara ambienteve të shtëpisë së BBVK-së. Krahas imazhit, është ngritur edhe pyetja nëse ajo do të jetë një nga banoret e reja që do t'i bashkohen garës këtë sezon.
Megjithatë, deri më tani, nuk ka asnjë konfirmim zyrtar nga produksioni apo nga vetë Suada lidhur me një pjesëmarrje të mundshme në spektakël. Për këtë arsye, emri i saj mbetet pjesë e aludimeve që po qarkullojnë në prag të premierës.
Edicioni i pestë i “Big Brother VIP Kosova” do të nisë nesër, më 30 tetor, në orën 21:00, me Alaudin Hamitin në rolin e moderatorit.
Ndërkohë, vazhdojnë edhe diskutimet për një rikthim të mundshëm të Jonida Vokshit në krah të tij, ndonëse moderatorja kishte njoftuar më herët largimin pas katër sezonesh. Edhe për këtë çështje, publiku është në pritje të një konfirmimi zyrtar.
Sa i përket personazheve të këtij edicioni, produksioni ka nisur të zbulojë disa prej emrave që do të jenë pjesë e formatit, duke konfirmuar Rudina Dembacajn si opinioniste.
Tashmë, vëmendja është përqendruar te konkurrentët që do të hyjnë në shtëpinë më të famshme në Kosovë. A do të jetë Suada Muça një prej tyre, apo fotografia e publikuar është thjesht një tjetër aludim i rrjeteve sociale? Përgjigjja pritet të zbulohet gjatë spektaklit të parë.
