Duket se Bia Khalifa po shijon një kapitull të ri në jetën sentimentale. Ish-banorja e “Big Brother VIP Kosova 4” ka konfirmuar publikisht se është në një lidhje dashurie, ndërsa identiteti i partnerit të saj mbetet ende i panjohur.
Bia ka publikuar në Instastory një video gjatë një xhiroje natën, ku shfaqet pranë partnerit të saj të ri. Megjithatë, ajo është treguar e kujdesshme që të mos zbulojë plotësisht portretin e tij, duke e mbajtur ende mister identitetin e të dashurit.
Bia Khalifa via Instagram Story
Ajo që i dha fund çdo dyshimi ishte mbishkrimi që Bia vendosi mbi video:
“Udhëtim natën me të dashurin tim.”
Me këtë postim, ish-banorja e reality show-t ka bërë të ditur se zemra e saj është e zënë, edhe pse për momentin ka zgjedhur të mos ndajë me publikun se kush është personi që i ka rrëmbyer zemrën.
Tashmë mbetet për t’u parë nëse Bia Khalifa do ta mbajë lidhjen larg vëmendjes mediatike, apo në ditët në vijim do të vendosë të zbulojë edhe identitetin e partnerit të ri.
