Kejsi Borri, motra e ish-banorit të “Big Brother VIP”, Mateo Borri, ka folur për herë të parë mbi mundësinë për t’u bërë pjesë e “Big Brother VIP 6”, duke dhënë një përgjigje që ka ngjallur interes.
E ftuar në emisionin “Top Arena”, Kejsi u pyet nëse do ta pranonte një ftesë për të hyrë në shtëpinë më të famshme në Shqipëri dhe çfarë do ta dallonte nga rrugëtimi i të vëllait.
Ajo tregoi se ka një karakter të ngjashëm me Mateon, por e pranoi se është më impulsive dhe ka më pak durim.
“Me thënë të drejtën, unë në tip jam njësoj si Mateo, thjesht mund të them që nuk kam aq durim sa ai, jam pak më impulsive,” u shpreh Kejsi.
Megjithatë, ajo la të kuptohet se nuk është gati të bëhet pjesë e edicionit të ardhshëm, pasi dëshiron fillimisht të realizojë disa projekte personale.
“Një ftesë për këtë Big Brother që vjen tani ndoshta do t’i thoja jo, sepse kam ca projekte që dua t’i bëj përpara se të futem. Dhe kur të futem në Big Brother, nuk dua që të njihem si motra e Mateos… Dua të njihem si Kejsi Borri, me projektet, aftësitë dhe talentet e mia,” deklaroi ajo.
Pas kësaj përgjigjeje, moderatorja e emisionit i shprehu mbështetjen, duke theksuar se Kejsi ka krijuar tashmë identitetin e saj dhe nuk duhet të shihet vetëm si motra e Mateos.
Nga ana tjetër, Kejsi e mori situatën me sportivitet dhe humor, duke treguar se nuk e shqetësojnë etiketimet.
“Me thënë të drejtën nuk e kam problem. Si Kejsi Borri, si motra e Mateos, për mua është njësoj dhe është vlerësim. Edhe si goca e Sashës le të themi,” tha ajo mes të qeshurave.
Edhe pse për momentin ka përjashtuar një hyrje në “Big Brother VIP 6”, deklarata e Kejsit lë të kuptohet se një pjesëmarrje në të ardhmen mbetet një mundësi e hapur.
